TEMBANG MACAPAT

TEMBANG-TEMBANG MACAPAT

Asmaradana 1

Dhuh garwaku Banowati

Sira kariya raharja

Ingsun anemahi layon

Den becik pamomongira

Mring para putranira

Dhuh nyawa atmajaningsun

Dadya kariya raharja

Asmarandana 2

Anjasmara ari mami

Masmirat kulaka warta

Dasihmu tan wurung layon

Aneng kutha Probolingga

Tandhing lan Menakjingga

Kariya mukti wong ayu

Pun kakang pamit palastra

Asmarandana 3

Aja turu sore kaki

Ana dewa nglanglang jagad

Nyangking bokor kencanane

Isine donga tetulak

Sandang kelawan pangan

Yaiku bageyanipun

Wong melek sabar narima

Asmarandana 4

Gegaraning wong akrami

Dudu banda dudu rupa

Amung ati pawitane

Luput pisan kena pisan

Lamun gampang luwih gampang

Lamun angel angel kalangkung

Tan kena tinumbas arta

Maskumambang 1

Menakjingga satuhu satru kang sekti

Yen mboten prayitna

Kalenan tumekeng lalis

Ingsun kang nigas jangganya

 Maskumambang 2

Kelek-kelek biyung sira ana ngendi

Enggal tulungana

Awakku kecemplung warih

Gelagepan wis meh pejah

Pangkur 1

Nimas Ayu kawruhana

Anggoningsun tinimbalan sang Aji

Tinudhing kinen anglurug

Tandhing lan Menakjingga

Muga paduka tansah antuk pepayung

Dadya satriya utama

Kalilakna minta pamit

 Pangkur 2

Jam 7 mlebu sekolah

Kaya ngene rasane dadi murid

Wira wiri saben isuk

Angudi kapinteran

Durung wis yen durung pikantuk kursus

Kursus saka pawulangan

Yaiku kang ingsun udhi

Pangkur Pitenangan

Tepung Tepangan kawula

Guh nyaguhi dharmaning mulang murid

Trima weweh kehing ngelmu

Wajibira sang dwija

Hywa kendat momong mulang sarta muruk

Yun ngawiji tinarbuka

Dimen bisa mupangati

Durma 1

Menakjingga ywa adreng andlarung sira

Nanging ingsun tan sudi

Suwita Sri Kenya

Kang cidra ing ubaya

Elah temen sira anjing

Tan keneng eman

Iki tiwasmu yekti

Durma 2

Angkat buta lan Sabawa

Dudu tanding tur jurit

Endi Minakjingga

Lah iki tanding ira

Ranggalawe ywa cariwis

Lah ayonono

Tan wurung anglemasi