1. Ora becik mangan ing tengah-tengah lawang.
→ yen mangan ing tengah lawang marakke angel jodhone.
2. Ora elok nyapu bengi-bengi.
→ yen nyapu bengi-bengi ndarakake nemoni ala.
3. Wong wadon nalika lagi mbobot ora oleh wani karo wong tuwa, opomaneh ibune.
→ yen wani karo wong tuwa lahire bayine angel.
4. Wong wadon nalika lagi mbobot kudu akeh mangan lamtara.
→ supaya anake lanang. (yen pengin duweni anak lanang)
5. Wong wadon nalika lagi mbobot kudu akeh ngombe banyu degan.
→ supaya pakulitane anake resik.
6. Wong wadon nalika lagi mbobot kudu akeh ngombe sari dele.
→ supaya pakulitane anake putih lan resik.
7. Wong wadon nalika lagi mbobot dianjurne ngombe lenga klenthik.
→ supaya lahire bayi gangsar/lancar.
8. Wong wadon nalika lagi mbobot dianjurne kerep ngepel (gawe tangan).
→ supaya lahire bayi gangsar lan ora sungsang (mbenakake posisine bayi).
9. Wong wadon nalika lagi mbobot ora oleh ngrasani.
→ yen ngrasani ndarakake anake mirip kaya wong sing dirasani.
10. Wong lanang ora oleh mateni kewan, nalika bojone lagi ngandhut.
→ ndarakake bayine kaya kewan sing dipateni bapake.
11. Wong wadon sing lagi mbobot ora oleh kalungan anduk.
→ yen kalungan anduk marakke bayine kalungan usus ning njero.
12. Yen mendem ari-ari aja gawe tangan kiwa.
→ yen mendem gawe tangan kiwa marakke anake kulina gawe tangan kiwa.
13. Yen mendem ari-ari aja jeru-jeru.
→ yen mendeme jeru marakke untune bayine angel/suwi metune.
14. Wong wadon nalika lagi mbobot ora oleh males-malesan.
→ yen males-malesan anake mbesuk melu lumoh tandang gawe.
15. Wong omah-omah ora oleh bangun omah/dandan-dandan omah ing sasi sura.
→ yen bangun/dandani omah ing sasi sura, bakal ora karuwan omah-omahane.
